الطفولة.. وحلم العروسة
ما اجمل الطفولة بـ ابتسامتها .. وضحكاتها ..
وبراءتها .. ودلعها .. وزعلها ..
ودموعها .. وكل مافيها..
ياليتني ارجع اشوف هذيك الطفله البريئه اللي ما تعرف لا طيش ولا غيره ..
بس تعرف بيتها وعائلتها .. والعابها ..
ولما يسألونها من تحبين تقول أمي وأبوي والعابي وقبلهم الله والرسول
كذا ببراءه وتلتفت تكمل لعبها ..
تحب الناس كلهم ماتعرف تكره .. ماتعرف تكذب ..
وان كذبت ضحكت وقالت أمزح ولما تقول لها الكذاب مكانه النار تعبس وتقولك كنت امزح
لا تزعل انا اسفه ووعد ما أكذب أبد وتلتفت وتكمل سوالفها مع العابها ..
بس كانت تتمنى عروسه
ولما جتها عروستها ومانامت الليل إلا لما قالت لها امها هالعروسه ماتنفتح الا اذا نمتي بدري
وصحيتي يا أموره بدري وهي ركضت لفراشها تنتظر متى الصبح يجي ..
بس صبحها رفض يجي ونامت ولا عاد صحت ..
كذا روحها الطاهرة اختفت ..
الطفله البريئة راحت وهي ماشافت عروستها اللي تمنتها ..
وأمها انهارت كانت تتمنى تشوفها عروسه وتزفها وتوصي عليها
توفت الطفله وراحت بدون لا تشوف العروسه وأمها ما شافتها عروسه ..
وأبوها بعد ما اختفت عروسته ,,بنته ودلوعته
صار من كثر حزنه مريض بنته اللي انتظرها سنين كذا اختفت بعد ماكانت ضحكت البيت ..
وآه من غرفتها حتى هي فقدتها ..
يارب ارحمها وصبر أهلها..
من كتاباتي
RboOosh